Bakı. Mehman Süleymanov - APA-Sport. Madridin “Atletiko” klubunun fizioterapevti Sebastyan Truyelsin başına qəribə hadisə gəlib. “APA-Sport”un məlumatına görə, bu şəxs İspaniya Primerosunda “Real”la öz meydanlarında keçirdikləri oyundan (1:2) sonra rəqib qapıçı İker Kasilyasdan formasını istədiyi üçün klubdan qovulub. Fizioterapevtin bu hərəkəti klub rəhbərliyinin ciddi narazılığına səbəb olub. Axı Madridi təmsil edən “Atletiko” ilə “Real” klubları barışmaz rəqiblər sayılır. Elə İspaniya yığmasının kapitanı Kasilyas da “Atletiko”nun nümayəndəsinin belə xahişinə bərk təəccüblənib. Ancaq buna baxmayaraq, xahişi yerinə yetirən İker həmin şəxsin işinə itirməsinə səbəbkar olub.