Bakı. Mehman Süleymanov - APA-Sport. FİFA prezidenti Yozef Blatter İsveçrədə avtomobil qəzasına düşüb. “APA-Sport”un məlumatına görə, ali futbol qurumunun başçısının avtomobili qabaqda gedən maşını keçməyə cəhd edərkən, ona toxunub. Nəticədə qarşı yola çıxan Blatterin avtomobilinə daha bir maşın dəyib. Qəza zamanı heç kim xəsarət almasa da, hər iki avtomobil yarasız vəziyyətə düşüb.
Qeyd edək ki, FİFA-nın mənzil-qərargahı İsveçrənin Sürix şəhərində yerləşir.