Bakı - APA-Sport. “Qalatasaray” klubunun müdafiəçisi Sabri Sarıoğlu UEFA kubokunun qrup mərhələsinə qələbə ilə başlamalarından məmnun qalıb. “APA-Sport”un məlumatına görə, Türkiyə yığmasının üzvü “Olimpiakos”u üstələməkdə çətinlik çəkmədiklərini qeyd edib.

“Önəmli qələbə qazandığımızı düşünürəm. Əla oyun göstərib, kifayət qədər qol epizodu yaratdıq. Fikrimcə, böyük hesabla da qalib gələ bilərdik” - deyə Sarıoğlu bildirib.

Qrupdakı digər oyunda “Herta” ilə “Benfika”nın heç-heçə (1:1) oynamasından məmnun qaldığı deyən gənc müdafiəçi növbəti görüşlərə də qələbə əzmi ilə çıxacaqlarını vurğulayıb: “Rəqiblərimizin xal itirməsi bizim xeyrimizədir. Hər şey əla gedir. Qol vurub, qapımızın toxunulmazlığını qoruyuruq. Belə davam etməliyik”.

• “Fənərbaxça”da yeni müqavilə
• Dünya çempionatının kuboku təqdim olunub
• Aleksandr Ceferin: “Oyun sayı azalsa, maaşlarınız düşəcək”
• Benzia oynadı, komandası xal itirdi
• “Yuventus”un müdafiəçisi mövsümü erkən bitirdi