Bakı. Mehman Süleymanov – APA-Sport. 2010-cu il dünya çempionatının seçmə mərhələsində Azərbaycan milli komandasının rəqibi olan Almaniya yığmasının kapitanı Mihael Ballak səhvini etiraf edib. O, baş məşqçi Yoahim Lövün ünvanına söylədiyi tənqidi fikirlərə görə üzr istəyəcək.

“APA-Sport”un məlumatına görə, “Çelsi”də çıxış edən 32 yaşlı futbolçu bununla bağlı rəsmi bəyanat yayıb: “Lövdən ən yaxın günlərdə üzrxahlıq edəcəyəm. Sağlamlığım imkan verən kimi onunla görüş təyin edəcəyəm. Üzbəüz söhbətdə səhvimi başa düşdüyümü və etdiyim tənqidə görə məni bağışlamağı xahiş edəcəyəm. Əslində, mən baş məşqçini tənqidi edərkən komandanın xeyrini düşünürdüm”.

• Mourinyo "Tottenhem"in futbolçusunu istəyir
• Belçikalı futbolçu "Arsenal" yolunda
• “Fənərbaxça”dan Kent qərarı - RƏSMİ
• Messi tarixin ən yaxşısı seçildi
• “Mançester Yunayted”də ciddi itki