Bakı - APA-Sport. Türkiyə Superliqasının son turunda “Əskişəhərspor”a 2:4 hesablı məğlubiyyətin ardından “Qalatasaray” rəhbərliyi təcili iclas keçirilib. “APA-Sport”un məlumatına görə, yığıncaqda əsasən nizam-intizamla bağlı məsələ önə çəkilib. Rəsmilər “Əskişəhərspor”la görüşdə hakimin qərarlarına etiraz olunmasını, kəskin reaksiya göstərilməsini pisləyiblər.

Xüsusilə, rəqib komandanın ikinci qol epizodunda “Qalatasaray”lıların davranışları bəyənilməyib. “Sarı-qırmızılı” klubun rəhbərliyi ikinci qolun ofsayddan vurulduğunu iddia etdiyindən sarı vərəqə ilə cəzalandırılan futbolçuları - Ümit Karan, Fernando Meyra ve Əmrə Aşıka pul cəriməsi kəsib. Eyni zamanda, qarşılaşma zamanı xəbərdarlıq alan Ayhan Akman və Arda Turan da “qara siyahı”ya düşüb. Beş oyunçunun hərəsi 5 min avro cərimə ödəyəcək.

• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda