Bakı. Mehman Süleymanov - APA-Sport. AFFA-nın Nizam-İntizam Komitəsinin (NİK) bu gün keçirilən iclasında 5420 manatlıq cərimə kəsilib. “APA-Sport”un məlumatına görə, NİK Premyer Liqa klubları ilə yanaşı, onların əvəzedici, 17 yaşlılardan ibarət komandaları, habelə birinci divizion və həvəskar klublarını cəzalandırıb. “Bakı”, “Xəzər-Lənkəran”, “Simurq” futbolçuları nəzərdə tutulduğundan artıq sarı vərəqə aldığı üçün hərəyə 1000 manat cərimələnib. Birinci divizion klublarına verilən cəzalar arasında əsas diqqəti çəkən “Göyəzən”in icraçı-direktoru Mehdi Salmanovla bağlıdır. Qazax klubunun rəsmisi “Spartak” (Quba) ilə ev oyununun hakim-inspektoru Ramiz Əliyevi təhqir etdiyi üçün 4 oyunluq texniki zonadan kənarlaşdırılıb. O, hərəkətinə görə 400 manat cərimə məbləği ödəyəcək.

• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda