Bakı. Vüqar Xeyrullayev - APA-Sport. Noyabrın 19-da Bakıda Azərbaycan yığması ilə yoldaşlıq görüşü keçirəcək Albaniya milli komandasının hücumçusu Hamdi Salihi Tofiq Bəhramov adına Respublika stadionunda qol vurub. “APA-Sport”un məlumatına görə, artıq bir dəfə ölkəmizdə olan 24 yaşlı Salihi Avstriyanın “Rid” klubunun heyətində ötən ilin yayında “Neftçi”nin qəniminə çevrilmişdi. UEFA kubokunun birinci təsnifat mərhələsində təmsilçimizdən güclü olan “Rid” məhz Salihinin qolları sayəsində mərhələ keçmişdi. Salihi Avstriyadakı qarşılaşmanın uzatma dəqiqələrində hesabı 3:1-ə çatdırmaqla, “Neftçi”nin ümidlərini alt-üst etmişdi. Bakıdakı oyunda komandamız 2:0 hesabı ilə öndə olarkən, albaniyalı qol vuraraq Respublika stadionunu sükuta qərq etmişdi.

• “Atalanta” İvan Yuriçlə yollarını ayırıb
• Türkiyə millisi 3 futbolçunu heyətdən kənarlaşdırıb - MƏRC QALMAQALINA GÖRƏ
• “Qalatasaray” və “Beşiktaş”dan mərc araşdırması ilə bağlı açıqlama
• Eren Elmalı mərc oynadığını etiraf edib: “Beş il əvvəl…”
• “Qalatasaray”ın futbolçusu mərc qalmaqalı ilə bağlı açıqlama yayıb: DAHA DİQQƏTLİ OLACAĞAM