Bakı - APA-Sport. Türkiyə futbolunun əfsanəsi Hakan Şükür ictimaiyyəti təəccübləndirməkdə davam edir. “APA-Sport”un məlumatına görə, tezliklə şərhçiliyə başlayacağını bildirən “Qalatasaray”ın sabiq kapitanı Türkiyənin baş naziri Rəcəb Tayyib Ərdoğanı ziyarət edib.

Baş nazirlə bir müddət söhbət edən Hakanın sürpriz görüşünün təfərrüatı açıqlanmayıb. Bununla belə, 37 yaşlı futbolçu Ərdoğanın başçılıq etdiyi Ədalət və İnkişaf Partiyasından bələdiyyə seçkilərində namizədliyini irəli sürəcəyi təxmin olunur.

Qeyd edək ki, Ərdoğan bir müddət öncə Şükürə siyasətə qoşulmağı məsləhət görmüşdü.

• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda