Bakı - APA-Sport. Məşhur braziliyalı futbol ulduzu Ronaldo karyerasını vətənində davam etdirəcək. “APA-Sport”un məlumatına görə, 32 yaşlı hücumçu “Flamenqo”da oynamaq istədiyini qeyd edib.

“Bir sıra Avropa klublarından təklif almışam. Amma “Flamenqo” mənim üçün birinci sıradadır. Hər şey yolunda gedərsə, növbəti mövsümə bu komandada başlayacağam” - deyə Ronaldo bildirib.

Zədə ucbatından 9 ay meydana çıxa bilməyən ikiqat dünya çempionu yenidən Braziliya yığmasının şərəfini qorumaq istədiyini də vurğulayıb: “Hazırda yaralı əsgərəm, amma hələ ölməmişəm”.

Qeyd edək ki, Ronaldo 1996, 1997 və 2002-ci illərdə dünyanın ən yaxşı futbolçusu seçilib.

• Mourinyo "Tottenhem"in futbolçusunu istəyir
• Belçikalı futbolçu "Arsenal" yolunda
• “Fənərbaxça”dan Kent qərarı - RƏSMİ
• Messi tarixin ən yaxşısı seçildi
• “Mançester Yunayted”də ciddi itki