Bakı - APA-Sport. İspaniya Primerosunda mübarizə aparan “Betis” “Fənərbaxça”nın daha bir futbolçusunu heyətə qatmaq istəyir. “APA-Sport”un məlumatına görə, ispaniyalılar bu dəfə Deyvid De Souza ilə maraqlanırlar. Bunu “Betis”in idman direktoru Manuel Momparnet deyib.

Hazırda 29 yaşlı futbolçu haqqında məlumatlar toplanır, onun çıxış etdiyi oyunların videoyazısına baxılır. Braziliyalı hücumçunun “sarı-lacivərdlilər”lə müqaviləsinin müddəti 2009-cu il mayın 30-da başa çatacaq. Deyvid mümkün keçidi rəsmiləşdirərsə, son 1 ildə “Fənərbaxça”dan “Betis”ə transfer olunmuş ikinci futbolçuya çevriləcək. Öncə Türkiyə yığmasının Braziliya əsilli yarımmüdafiəçisi Mehmet Aurelio “Betis”lə anlaşıb.

• Mourinyo "Tottenhem"in futbolçusunu istəyir
• Belçikalı futbolçu "Arsenal" yolunda
• “Fənərbaxça”dan Kent qərarı - RƏSMİ
• Messi tarixin ən yaxşısı seçildi
• “Mançester Yunayted”də ciddi itki