Bakı. Mehman Süleymanov - APA-Sport. Azərbaycan kubokunun son finalçısı olan Bakının “İnter” klubu işini çətinə salıb. “APA-Sport”un məlumatına görə, ukraynalı mütəxəssis Valentin Xodukinin çalışdırdığı komanda kubokun yeni mövsümündə mübarizəni elə ilk mərhələdə başa vura bilər. 1/8 final mərhələsinin ilk oyununda “Şəfa” stadionunda “Standard”ı qəbul edən “İnter” hesabda iki top fərqi ilə geridə olsa da, məğlubiyyətdən sona 4 dəqiqə qalmış qaça bilib.
Bir həftə sonra keçiriləcək cavab görüşündə “Standard”ı ¼ finala çıxmaq üçün qolsuz və ya 1:1 hesablı heç-heçə də kifayət edəcək.

“İnter” – “Standard” – 2:2
Andaveris Avqusto, 66, Danillo Assioli, 86 – Osmar Siqueyra, 31, Anhel Qutyerres, 47

Qeyd edək ki, 1/8 finalın qalan beş oyunu bu gün keçiriləcək.

• Messi: "Bütün arzularımı gerçəkləşdirdim"
• Mourinyo "Tottenhem"in futbolçusunu istəyir
• Belçikalı futbolçu "Arsenal" yolunda
• “Fənərbaxça”dan Kent qərarı - RƏSMİ
• Messi tarixin ən yaxşısı seçildi