Bakı. Mehman Süleymanov - APA-Sport. Argentina yığmasının yeni baş məşqçisi Dieqo Maradona onu bu postda görmək istəməyənlərin cavabını verib. “APA-Sport”un məlumatına görə, 48 yaşlı dünya çempionuna məşqçilik təcrübəsi olmadığı halda, belə vəzifənin etibar edilməsi argentinalı azarkeşlər arasında narazılığa səbəb olub. Keçirilən sorğuda iştirak edənlərin çoxunun Maradonanın təyinatına qarşı çıxması səbəbkarı özündən çıxarıb: “Mənə təcrübəsiz deyənlərə gülməyim gəlir. Milli komandada 20 illik oyun təcrübəm var. Əlbəttə, futbol dəyişilir, ancaq ümumilikdə götürdükdə hər şey çoxdan icad olunub. Elə düşünmürəm ki, kimsə məni təəccübləndirə bilər. Ən əsası odur ki, təyinatım vaxtında oldu”.

• Luis Suarez “İnter Mayami” ilə bağlı qərarını verib
• Niderland millisinin futbolçusu karyerasını bitirib
• 21-ci əsrdə Premyer Liqanın ən yaxşı 10 futbolçusu açıqlanıb
• Messi: "Bütün arzularımı gerçəkləşdirdim"
• Mourinyo "Tottenhem"in futbolçusunu istəyir