Bakı. Vüqar Xeyrullayev – APA-Sport. Azərbaycan kubokunun NBC ilə görüşü “Xəzər-Lənkəran”ın baş məşqçisi Rasim Kara üçün əlamətdar olub. “APA-Sport”un hesablamalarına görə, türkiyəli mütəxəssis 50-ci dəfə Lənkəran təmsilçisini meydana çıxarıb. Salyan təmsilçisi üzərindəki 3:0 hesablı qələbə ilə yubileyini qeyd edən 58 yaşlı mütəxəssis “Xəzər-Lənkəran”ı 41 çempionat, 7 kubok və 2 avrokubok oyununa çıxarıb. 2004-cü ilin oktyabrından 2005-ci ilin sentyabrınadək rəhbərlik etdiyi komandaya iki ay əvvəl qayıdan mütəxəssis üçün yubiley ikiqat əlamətdar olub. Belə ki, NBC ilə oyun – yubiley matçı oktyabrın 30-da keçirilib. Bu tarix isə Karanın Azərbaycanda, həm də “Xəzər-Lənkəran”da debüt tarixidir. 2004-cü il oktyabrın 30-da komandanı ilk dəfə meydana çıxaran Kara “MKT-Araz”la İmişlidəki görüşdə qolsuz heç-heçəylə kifayətlənmişdi. Həmin debütün 4 illiyində isə yetirmələri yubilyara üç qol bəxş edib.

Rasim Kara “Xəzər-Lənkəran”da

	O	Q	H	M	T	X
Cəmi	50	31	8	11	84-30	101
UEFA kuboku	2	0	0	2	2-5	0
Premyer Liqa	41	28	5	8	73-20	89
Azərbaycan kuboku	7	3	3	1	9-5	12

• "Barselona" İspaniya millisinin futbolçusunu 60 milyona ala bilər
• Bundesliqa: “Borussiya”dan çətin qələbə
• Suarez "İnter Mayami"də qalacaq?
• Luis Suarez “İnter Mayami” ilə bağlı qərarını verib
• Niderland millisinin futbolçusu karyerasını bitirib