Bakı – APA-Sport. Azərbaycan Premyer Liqasının debütantı Salyanın NBC klubunun adı dəyişdirilib. “APA-Sport”un məlumatına görə, bununla bağlı Peşəkar Futbol Liqasına məktub ünvanlanıb. Sənəddə bildirilir ki, rəhbərliyin və oyunçuların ümumi qərarına əsasən, bundan sonra NBC “Muğan” PFK adlandırılıb.

Artıq müvafiq sənədləşmə işləri başa çatıb. Bu isə o deməkdir ki, noyabrın 6-da Azərbaycan kuboku uğrunda 1/8 final mərhələsində komanda “Xəzər-Lənkəran”la cavab oyununa “Muğan” adı altında çıxacaq.

Qeyd edək ki, indiyədək Azərbaycan çempionatında “Muğan” klubu mübarizə aparıb. 2006-cı ildə təsis olunan və Sabirabadı təmsil edən komanda uğursuz oynadığından, cəmi bir neçə ay sonra dağılmışdı.

Mənbə: pfl.az

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU