Bakı. Vüqar Xeyrullayev - APA-Sport. Almaniya milli komandasının yarımmüdafiəçisi Torsten Frinqs dünya çempionatının seçmə mərhələsində Azərbaycan yığmasına qarşı çıxış edə bilər. “APA-Sport”un məlumatına görə, son iki seçmə matçda start heyətinə düşmədiyi üçün baş məşqçi Yoahim Lövdən inciyən 32 yaşlı futbolçu çalışdırıcıdan üzr istəyib. Əvvəl milli karyerasını bitirdiyini bəyan edib sonra fikrindən daşınan Frinqslə Almaniyanın paytaxtı Berlində baş tutan görüşdən sonra Löv razılığa gəldiklərini bildirib: “Torstenə yığma üçün vacib oyunçu olduğunu deyib, güclü rəqabətin olmasını başa düşməyi tövsiyə etdim. O da mənimlə razılaşıb üzr istədi”.

• Liqa 1-də tur qolsuz bərabərliklə başlayıb
• "Barselona" İspaniya millisinin futbolçusunu 60 milyona ala bilər
• Bundesliqa: “Borussiya”dan çətin qələbə
• Suarez "İnter Mayami"də qalacaq?
• Luis Suarez “İnter Mayami” ilə bağlı qərarını verib