Bakı. Vüqar Xeyrullayev - APA-Sport. Sabah Türkiyənin “Qalatasaray” klubu 17 il əvvəlki nəticəsini təkrarlamağa çalışacaq. “APA-Sport”un hesablamalarına görə, Portuqaliyada “Benfika”nın qonağı olacaq İstanbul təmsilçisi tarixində ikinci dəfə avrokubok matçını noyabrın 6-da keçirəcək. UEFA kubokunun qrup mərhələsinin ikinci turu çərçivəsində Lissabona yollanan “Qalatasaray” 17 il əvvəl də noyabrın 6-da rəqib meydanında mübarizə aparıb.

1991/92 mövsümündə Kuboklar Kubokunun 1/8 final mərhələsində Çexoslovakiyanın “Banik” komandası ilə görüşən türkiyəlilər səfərdə 2:1 hesablı qələbə qazanıblar. Öz meydanında 0:1 uduzmasına baxmayaraq, “Qalatasaray” səfər qolu sayəsində 1/4 finala adlayıb. Daha sonra “Cim Bom”u Almaniya “Verder”i dayandırıb.

Yenə də səfərdən uğurlu nəticə ilə dönməyə çalışacaq istanbullular noyabr ayında qitə miqyaslı yarışlarda ümumilikdə 32 qarşılaşmaya çıxıblar. “Qalatasaray” bu oyunlarda 12 qələbə qazanıb, 7 heç-heçə edib və 13 dəfə uduzub. Onu da əlavə edək ki, “sarı-qırmızılı” klub indiyədək Portuqaliya komandaları ilə görüşməyib.

• Liqa 1-də tur qolsuz bərabərliklə başlayıb
• "Barselona" İspaniya millisinin futbolçusunu 60 milyona ala bilər
• Bundesliqa: “Borussiya”dan çətin qələbə
• Suarez "İnter Mayami"də qalacaq?
• Luis Suarez “İnter Mayami” ilə bağlı qərarını verib