Azərbaycan kubokunun ¼ finalçıları müəyyənləşdi

06.11.2008 - 15:59

Öz meydanında debütant “Qafqaz Universiteti”nin qapısından 10 cavabsız top keçirən bakılılar bu dəfə rəhmli olub. Oyunun ilk hissəsində rəqibin müqaviməti ilə üzləşən “Bakı” hər üç qolu fasilədən sonra vurub. “Xəzər-Lənkəran” isə Salyanın NBC klubunun yeni adla “siftə”sini korlayıb. “Muğan” ölkə kubokunun qalibinə hər iki görüşdə eyni hesabla uduzub. Mərhələ adlamaq vəzifəsini hələ ilk oyunda yerinə yetirən “Bakı” və “Xəzər-Lənkəran” ¼ finalda üz-üzə gələcəklər. ¼ finalın sonuncu iştirakçısı son Azərbaycan çempionu “İnter” klubu olub. Ötən mövsüm kubokun finalında iştirak edən paytaxt təmsilçisi həmşəhərliləri “Standard”ı cavab görüşündə məğlub edib

Azərbaycan kuboku, 1/8 final mərhələsi

“Spartak” – “Simurq” – 0:8 (ilk oyun – 1:7)
“Turan” – “Qəbələ” – 1:2 (1:2)
“Karvan” – “Olimpik” – 0:1 (0:1)
MOİK – “Neftçi” – 0:3 (1:2)
“Bakılı” – “Qarabağ” – 0:0 (0:3)
“Qafqaz Universiteti” – “Bakı” – 0:3 (ilk oyun – 0:10)
“Muğan” – “Xəzər-Lənkəran” – 0:3 (0:3)
“Standard” – “İnter” – 1:2 (2:2)

Qeyd edək ki, ¼ final mərhələsinin görüşləri gələn ilin martın 4-5-də və 11-12-də keçiriləcək. “İnter” “Simurq”, “Qəbələ” “Olimpik”, “Xəzər-Lənkəran” “Bakı”, “Qarabağ” “Neftçi” ilə görüşəcək. İlk oyunlar adı birinci göstərilən komandanın meydanında keçiriləcək.