Bakı. Vüqar Xeyrullayev-APA-Sport. “Ən böyük arzum “Qalatasaray”a qol vurmaqdır. Mən keçmiş komandamla prinsipial matça hazıram. Sabah “Şükrü Saracoğlu” stadionunda keçiriləcək derbi həyatımın matçı olacaq”. “APA-Sport”un məlumatına görə, bu sözləri Türkiyənin “Fənərbaxça” komandasının futbolçusu Əmrə Bələzoğlu deyib. Karyerasının böyük hissəsini “Qalatasaray”da keçirən 28 yaşlı yarımmüdafiəçi sabiq komandasına qarşı keçirəcəyi oyunu Çempionlar Liqasının qarşılaşmasından da vacib sayır: “Arsenal”la Çempionlar Liqasının çox vacib matçında özüm meydana çıxmadım. Çünki özümü riskə atmaq istəmədim. Axı, yenidən zədələnsəydim, “Qalatasatay”a qarşı görüşdə çıxış edə bilməzdim”. Qeyd edək ki, Əmrə 2000-ci ildə “Qalatasaray”ın heyətində UEFA kubokunu qazanıb.

• "Barselona"nın qapıçısı məşqlərə başlayıb
• "Qarabağ"la matçda dubl edən futbolçu Türkiyə klubuna keçə bilər
• Liqa 1-də tur qolsuz bərabərliklə başlayıb
• "Barselona" İspaniya millisinin futbolçusunu 60 milyona ala bilər
• Bundesliqa: “Borussiya”dan çətin qələbə