Bakı. Vüqar Xeyrullayev - APA-Sport. Gələn il martın 28-də səfərdə Rusiya yığması ilə qarşılaşacaq Azərbaycan milli komandası Moskvaya getməyə bilər. “APA-Sport”un məlumatına görə, Rusiya Futbol İttifaqı (RFS) dünya çempionatının seçmə mərhələsi çərçivəsində keçiriləcək həmin qarşılaşmanın paytaxtdan kənarda baş tutmasını istəyir. Lakin hələlik görüşün Moskvada deyil, kənarda baş tutacağı qətiləşməyib. Belə ki, millimizi harada qəbul etmək məsələsinə həssas yanaşan şimallılar yığmanın baş məşqçisi Qus Hiddinkin də fikrini öyrənmək niyyətindədir. Bu səbəbdən son sözünü demək üçün RFS rəhbərliyi hollandiyalı ilə məsləhətləşmələr aparacaq. Yalnız mütəxəssisin fikri öyrənildikdən sonra oyunun harada keçiriləcəyi dəqiqləşəcək.

• Suriya millisi Rusiya ilə yoldaşlıq oyunu keçirəcək
• "Barselona"nın qapıçısı məşqlərə başlayıb
• "Qarabağ"la matçda dubl edən futbolçu Türkiyə klubuna keçə bilər
• Liqa 1-də tur qolsuz bərabərliklə başlayıb
• "Barselona" İspaniya millisinin futbolçusunu 60 milyona ala bilər