Bakı – APA-Sport. Azərbaycan Premyer Liqasında çıxış edən 3 klub heyətini supertransferlərlə gücləndirəcək. Bu haqda Peşəkar Futbol Liqasının prezidenti Ramin Musayev məlumat verib.

Onun sözlərinə görə, Bakının “Neftçi” və “İnter”, eləcə də Lənkəranın “Xəzər-Lənkəran” klubları hazırda dünya miqyasında kifayət qədər populyar futbolçularla danışıqlar aparırlar: “Məndə olan məlumata görə, bu klublar tezliklə ölkəmizə gözəl oyunçular gətirmək niyyətindədirlər. Hazırda onlar kifayət qədər tanınmış futbolçularla danışıqlar aparırlar”.

Qeyd edək ki, vaxtilə “Qou Ehed”, “Herenven” (hər ikisi Hollandiya), “Blekbern” (İngiltərə), “Qaziantepspor”, “Sivasspor” (hər ikisi Türkiyə) kimi klublarda, hətta Hollandiya yığmasının heyətində bir oyunda çıxış etmiş türk əsilli pleymeker Uğur Yıldırım hazırda “Neftçi”də baxışdadır.

Mənbə: lent.az

• Suriya millisi Rusiya ilə yoldaşlıq oyunu keçirəcək
• "Barselona"nın qapıçısı məşqlərə başlayıb
• "Qarabağ"la matçda dubl edən futbolçu Türkiyə klubuna keçə bilər
• Liqa 1-də tur qolsuz bərabərliklə başlayıb
• "Barselona" İspaniya millisinin futbolçusunu 60 milyona ala bilər