Bakı. Kənan Həsənov - APA-Sport. Azərbaycanın futbol yığmasının dəyəri 3,7 milyon avroya bərabərdir. “APA-Sport”un məlumatına görə, bu barədə Almaniya mətbuatında qeyd olunub.

Məbləğ hesablanarkən milli komandanın 14 üzvünün transfer qiyməti nəzərə alınıb. Azərbaycan yığması bu göstəricidə Avropa milli komandaları arasında 47-ci yeri tutub.

Planetin ən dəyərli yığması isə 419 milyon avro ilə sonuncu Avropa çempionu İspaniya olub. Fransa (346 milyon) ikinci, İngiltərə (336,5 milyon) üçüncü yeri tutub.

Milli komandamızın dünya çempionatının seçmə qrup mərhələsindəki rəqiblərinin sıralamadakı mövqeləri isə belədir: 7. Almaniya (222 milyon), 8. Rusiya (150,4 milyon), 29. Uels (43 milyon), 33. Finlandiya (35,7 milyon), 46. Lixtenşteyn (4,1 milyon).

Mənbə: www.transfermarkt.de

• Suriya millisi Rusiya ilə yoldaşlıq oyunu keçirəcək
• "Barselona"nın qapıçısı məşqlərə başlayıb
• "Qarabağ"la matçda dubl edən futbolçu Türkiyə klubuna keçə bilər
• Liqa 1-də tur qolsuz bərabərliklə başlayıb
• "Barselona" İspaniya millisinin futbolçusunu 60 milyona ala bilər