Bakı. Mehman Süleymanov - APA-Sport. “Bakı” klubu makedoniyalı hücumçu Georgi Xristovla vidalaşır. Bu haqda “APA-Sport”a açıqlama verən komandanın vitse-prezidenti Zeynal Məmmədovun sözlərinə görə, 32 yaşlı futbolçu ilə qış fasiləsində yollarını ayıracaqlar: “Onu böyük ümidlərlə transfer etsək də, gözlədiyimiz oyunu göstərmir. Belə olan halda, yəqin ki, onunla vidalaşacağıq. Xristov İngiltərə və Hollandiyada çıxış etmiş futbolçudur. Elə fikirləşdi ki, Azərbaycanda tək ayaqla oynayacaq. Ancaq reallıq başqa şeyi göstərdi. Xristovun adaşı olan Demetradze ondan sonra gəlsə də, özünü daha yaxşı göstərir. Halbuki, gürcü makedoniyalı həmkarından fərqli, heç mövsümlərarası fasilədə “Bakı” ilə hazırlıq keçməyib”.

Vitse-prezident Makedoniya yığmasının sabiq hücumçusunun başqa kluba keçidinə imkan yaradacaqlarına söyləyib: “Xristovla müqaviləmiz olsa da, gedişinə əngəl törətməyəcəyik. Onun transferinə elə də böyük pul xərcləməmişik. Ümumiyyətlə, komandamızda yüksək ödənişli, bahalı futbolçu yoxdur. Qış fasiləsində heyətimizdə böyük dəyişikliklər etməyəcəyik”.

• Levandovski Messinin uğurunu təkrarlayıb
• Salah Runinin rekorduna çatır
• Arteta qərarını verib
• Mauro İkardi “Qalatasaray”ın tarixinə düşüb
• Xavi Asiya yolunda