Türkiyənin Antalya şəhərində təlim-məşq toplanışı keçən Azərbaycanın 21 yaşadək futbolçulardan ibarət milli komandasının (U-21) rəqibi dəyişib. Apasport.az-ın AFFA-nın rəsmi İnternet saytına istinadən məlumatına görə, buna səbəb yığmamızın daha güclü komanda ilə qüvvəsini sınamaq istəyidir.

Bu gün Şotlandiyanın “Dandi Yunayted” klubunun əvəzedici heyəti ilə yoxlama oyunu keçirməli olan U-21-in məşqçilər korpusu rəqibin zəifliyini nəzərə alaraq, rəqibi dəyişməyə qərar verib. Nəticədə gənc futbolçularımız bu gün Türkiyənin “Çaykur Rizəspor” klubu ilə görüşməyə razılaşıblar. Türkiyə çempionatının birinci divizionunda 5-ci yeri tutan “Çaykur Rizəspor”la yoxlama oyunu Bakı vaxtı ilə 20:15-də başlanacaq.

Qeyd edək ki, almaniyalı Bernard Lippertin çalışdırdığı U-21 iki gün öncə Antalyada Şotlandiyanın “Kilmarnok” klubunun ikinci komandasına 4:0 hesabı ilə qalib gəlib.

• “Fiorentina” idman direktorunu qovub
• "Liverpul" heyətini serb forvardla gücləndirmək istəyir
• "Ayaks" - "Qalatasaray" matçının hakimləri məlum olub
• “Çelsi”nin Bakıya səfər proqramı müəyyənləşib
• "Beşiktaş"ın borcu açıqlanıb