Azərbaycan milli komandası növbəti yoxlama oyununu keçirib. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, Almaniyanın Frankfurt şəhərində təlim-məşq toplanışında olan 17 yaşlılardan ibarət yığma yerli “Ayntraxt” klubunun nəzdindəki 19 yaşlılardan ibarət komandanı 2:0 hesabı ilə məğlub edib. Komandamızın qollarını Emin Mehdiyev və Rəşad Eyyubov vurub. Bu görüş martın 19-dan 24-dək keçiriləcək Avropa çempionatının seçmə mərhələsinin elit raunduna hazırlıq xarakteri daşıyıb.

Qeyd edək ki, ötən həftə Azərbaycanın əsas milli komandası da “Ayntaxt”la yoxlama oyunu keçirmiş, lakin 0:1 hesabı ilə məğlub olmuşdu.