Martın 28-də və aprelin 1-də dünya çempionatının seçmə mərhələsində növbəti oyunlarını keçirəcək Moldova milli komandasının heyəti açıqlanıb. Apasport.az saytının məlumatına görə, yığmanın baş məşqçisi İqor Dobrovolski İsveçrəyə qarşı matçlara 27 futbolçu dəvət edib.

Əvvəl doğma, daha sonra rəqib meydanında isveçrəlilərlə mübarizə aparacaq Moldova komandasının heyətinə Azərbaycan Premyer Liqasında çıxış edən iki oyunçu çağırılıb. Belə ki, Dobrovolski “Olimpik”in müdafiəçisi Sergey Laşenkovun da xidmətindən yararlanmaq niyyətindədir. “Bakı”nın üzvü Aleksey Savinovun milli komandaya dəvət alacağı isə xeyli əvvəldən məlum idi.