“Neftçi” çempionu, “Turan” isə əsas rəqibini “yaraladı”

19.04.2009 - 16:56

Azərbaycan Premyer Liqasının XXII turu bir sıra maraqlı məqamlarla yadda qaldı. Apasport.az saytının məlumatına görə, vahid lider “İnter” çempionluq yolunda vacib iki xal itirdi. “Neftçi” “Xəzər-Lənkəran”ın ardınca son ölkə çempionunu da büdrətdi və uzun fasilədən sonra turnir cədvəlində 7-ci pilləyə yüksəldi.

Əslində, ilk hissədə hesabda 2:0 irəlidə olan flaqman qələbəyə da layiq olsa da, fasilədən sonra “İnter”in uruqvaylı hücumçusu Valter Quqlemonun 4 dəqiqəyə etdiyi “dubl” buna imkan vermədi. Hər halda, çempion ən yaxın izləyicisi “Bakı”nın məğlubiyyəti və xal fərqinin 3-ə çatması ilə təsəlli tapa bilər.

“Xəzər-Lənkəran” ölkə kubokunda uduzduğu “Bakı”dan böyük hesablı qələbə ilə əvəz çıxdı. “Simurq” tarixində “Olimpik”i ilk dəfə məğlub etməklə, 3-cü yerdə mövqeyini qorudu.

Turda Premyer Liqada qalmaq uğrunda mübarizə aparan komandaların görüşündə “Turan” qalib gəldi. İndiyə kimi bütün milli çempionatlarda iştirak etmiş Tovuz təmsilçisi “Bakılı” səfərdə yenməklə, güclülər dəstəsində yerini qorumaq vəzifəsini böyük ölçüdə yetirmiş oldu. İndi “Turan” 11-ci pilləyə yüksəlməklə, sona 4 tur qalmış özünü xeyli rahat hiss edə bilər. Sonuncu pillədə gedən MOİK-in bir illik fasilədən sonra birinci diviziona qayıdacağı demək olar həll olunub.

Premyer Liqada qalmağa imkan verən 12-ci yer uğrunda mübarizə “Muğan” və “Bakılı” arasında gedəcək. Bu komandalar arasında növbəti tur Salyandakı görüş həlledici olacaq.

18 aprel

16:00. “Olimpik” – “Simurq” - 0:2
Bakı. “Şəfa” stadionu
QOLLAR: Bolkvadze, 45; Mazyar, 69

16:00. “Qarabağ” – MOİK - 3:0
Bakı. Tofiq İsmayılov adına Suraxanı qəsəbə stadionu
QOLLAR: Nidal Fərhadoviç, 53; Aslan Kərimov, 59; Zaur Ramazanov, 83

16:00. “Qəbələ” – “Standard” - 2:1
Qəbələ. Şəhər stadionu
QOLLAR: Kamilyonok, 68 (penaltidən); Samir Zərgərov, 90 - Qutyerres, 72

18:00. “Xəzər-Lənkəran” – “Bakı” - 3:0
Lənkəran. Mərkəzi şəhər stadionu
QOLLAR: Əhməd Dursun, 35; 74; Mario Souza (90+1)

19 aprel

16:00. “İnter” – “Neftçi” - 2:2
Bakı. “Şəfa” stadionu
QOLLAR Quqlemon, 52; 56 - Stefanov, 24; Olefir, 45

16:00. “Bakılı” – “Turan” - 0:2
Bakı. Zabrat qəsəbə stadionu
QOLLAR: İnekoyu, 54; 85

16:00. “Karvan” – “Muğan” - 3:1
Yevlax. Şəhər stadionu
QOLLAR: Murad Ağakişiyev, 80; Əziq Quliyev, 82; Mesxi, 90 - Tsaranu, 87

Turnir cədvəli

	komandalar	O	Q	H	M	T	X
1	İnter	22	16	5	1	42-12	53
2	Bakı	22	16	2	4	46-13	50
3	Simurq	22	14	5	3	34-15	47
4	Xəzər-Lənkəran	22	14	4	4	43-15	46
5	Qarabağ	22	12	5	5	32-21	41
6	Olimpik	22	10	7	5	25-16	37
7	Neftçi	22	8	7	7	26-19	31
8	Standard	22	9	3	10	20-25	30
9	Qəbələ	22	8	6	8	26-17	30
10	Karvan	22	9	2	11	24-28	29
11	Turan	22	3	5	14	16-39	14
12	Muğan	22	3	2	17	17-45	11
13	Bakılı	22	2	3	17	13-55	9
14	MOİK	22	1	2	19	10-52	5