“Son turda “Xəzər-Lənkəran”ın oyununu bəyəndim. Komandamız “İnter”lə görüşün xüsusilə ikinci hissəsində yaxşı təsir bağışladı”. Apasport.az saytının məlumatına görə, bu fikirləri “Xəzər-Lənkəran” klubunun fəxri prezidenti Mübariz Mənsimov ATV-yə açıqlamasında deyib.

O, “İnter” – “Xəzər-Lənkəran” görüşünü “Şəfa” stadionundan izləyib. Mənsimov son zamanlar stadionda olarkən, komandasının yaxşı oynamasına belə münasibət bildirib: “Bu, məndən asılı deyil, komandanın baş məşqçisinin işidir. Biz hər zaman qalib gəlməyə çalışırıq. Bu gün ölkənin ən güclü komandalarından biri olan “İnter”ə qarşı oynayırdıq. Hazırkı çempiona iki top fərqi ilə uduzurduq. Lakin hesabı bərabərləşdirə bildik. Hakimlik də normal idi, iradım yoxdur”.

Fəxri prezidentin fikrincə, mövsümün sonunda “Xəzər-Lənkəran”da dəyişiklik olmayacaq: “Komandanı gücləndirməyi düşünürük, lakin ciddi dəyişiklik gözləməyin. Səs-küylü transfer planımıza daxil deyil. Amma baş məşqçimiz İqor Ponomaryovun işinə güvənirəm. Hazırda onun işindən razıyam. Kimi istəsə, onu da alacağıq. Hər şey Ponomaryovun özündən, oyun strategiyası və transfer siyasətindən asılı olacaq”.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu