“Rəqibi məğlub etməyə çalışsaq da, oyun qolsuz heç-heçə bitdi. Bir həftə sonra səfərdə keçiriləcək cavab görüşündə ən azı bunu etməliyik. Ancaq bu, məhsuldar heç-heçə, 1:1, yaxud 2:2 hesablı heç-heçə olmalıdır”. Apasport.az saytının məlumatına görə, bu fikirləri Norveçin “Rusenborq” klubunun hücumçusu Rade Priça deyib.

İsveç milli komandasının üzvü olan 29 yaşlı futbolçu Avroliqada Ağdamın “Qarabağ” klubu ilə ev oyununda nəticədən (0:0) məyus olub. Komandamızın qapısına heç cür yol tapa bilməyən Priça bunu iyulun 23-də Tofiq Bəhramov adına Respublika stadionunda etməyə çalışacaq: “Bunun əvəzini Bakıda çıxmalıyıq. Öz meydanımızda qələbə qazanmaq şansını əldən buraxdıq. Bu nəticə ilə mərhələ keçmək şansımızı həddən artıq azaltmış olduq. Gərgin mübarizə şəraitində keçən oyunda qol vurmaq üçün elə də çox şansımız olmadı. İndi bizə verilən istirahətdən ləzzət alacaq və cavab görüşünə yaxşı hazırlaşacağıq”.

• Suarez "İnter Mayami"də qalacaq?
• Luis Suarez “İnter Mayami” ilə bağlı qərarını verib
• Niderland millisinin futbolçusu karyerasını bitirib
• 21-ci əsrdə Premyer Liqanın ən yaxşı 10 futbolçusu açıqlanıb
• Messi: "Bütün arzularımı gerçəkləşdirdim"