“Xristo Stoiçkov mənim arzularımın kişisidir”. Apasport.az saytının məlumatına görə, bu sözləri bolqar müğənni Emanuela deyib. Öz ölkəsində kifayət qədər tanınan gözəlçə Bolqarıstan mətbuatına verdiyi müsahibədə ən çox sevdiyi 3 kişinin reytinqini açıqlayıb.

“Stoiçkov çox sadəlövh insandır. Elə adamı özünə çəkən də onun bu xüsusiyyətidir. İkinci sırada duran Blaqoy Georgiyev çox gözəl və yaraşıqlıdır. Üçüncü yeri tutan Valeri Boqinov isə həmkarım Alisiyanın toruna düşüb. Onların münasibətləri lap dəhşətlidir. O ki, qaldı Dimitar Berbatova ona ürəyimdə yer yoxdur və ola da bilməz. Çünki o əbədi xəyanətkardır” - deyə Emanuela vurğulayıb.