Ermənistanda fəaliyyət göstərən qurumların birdən-birə 3-nün rəsmi saytları xakerlər tərəfindən darmadağın olunub. Apasport.az saytının məlumatına görə, xakerlərin hücumuna məruz qalanlar arasında Ermənistan Futbol Federasiyası (EFF) da var.

EFF-dən başqa, Ermənistanın Diaspora Nazirliyi, həmçinin BTA bankının saytı da yararsız hala düşüb. Xakerlər özlərini iraqlılar kimi təqdim edərək, heç bir tələb irəli sürməyiblər. Yalnız EFF-in saytına hücum edənlər oraya bir cümlə yazmağı məqsədəuyğun sayıblar: “İraqlı xakerlər dünyada ən yaxşıdır”.