Çimərlik futbolu üzrə “Respublika kuboku” turnirinə yekun vurulub. Apasport.az-ın AFFA-nın rəsmi saytına istinadən məlumatına görə, öncə 3-cü yer uğrunda oyunda “Gənclərbirliyi” və “Astara” komandaları qarşılaşıb. “Astara” 7:6 hesabı ilə qalib gələrək, 3-cü pilləni tutub.

Daha sonra finalda “Neftçi” “Kodak”la üz-üzə gəlib. Həlledici qarşılaşmada rəqibini 4:3 hesabı ilə məğlub edən “Neftçi” “Respublika kuboku”nu qazanıb.

Qaliblərə mükafatları AFFA-nın baş katibi Elxan Məmmədov, Regional Futbol Federasiyaları İctimai Birliyinin prezidenti İsgəndər Cavadov və Çimərlik Futbolu Federasiyasının prezidenti Fərid Novruzi təqdim edib.