Avropa Futbol Assosiasiyaları İttifaqı (UEFA) “Bakı” klubunu cəzalandırıb. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, qitə futbol qurumunun Nizam-İntizam Komitəsi Azərbaycan çempionuna pul cəzası kəsib. Buna Çempionlar Liqasının üçüncü təsnifat mərhələsində iyulun 28-də Tofiq Bəhramov adına Respublika stadionunda keçirilmiş “Bakı” - “Levski” (0:0) qarşılaşması səbəb olub.

Matçda təşkilati işlərin və təhlükəsizlik tədbirlərinin tələb edilən səviyyədə olmamasına görə UEFA “Bakı”nı 15 min avro məbləğində cərimələyib və bununla bağlı AFFA-ya rəsmi məktub göndərib.

Qeyd edək ki, məhz bu oyundan sonra UEFA Azərbaycan klublarının avrokuboklarda oyunlarının təşkilini və təhlükəsizliyin təmin olunmasını AFFA-ya tapşırıb.

• “Milan”da Qlasner səsləri – Görüş 6 saatdan çox çəkdi
• Arbeloa özünü "Bayer"ə təklif etdi: TƏYİNATA QARŞIDIRLAR
• Haaland formasına görə qalmaqal – “Siti” Rikelmeni məhkəməyə verə bilər
• "Liverpul" təyinatı açıqlamağa hazırlaşır: İRAOLA İLƏ MÜQAVİLƏ İMZALANACAQ
• “Qalatasaray” qiyməti açıqladı – Davinson üçün 20 milyon avro