Azərbaycanın çimərlik futbolu yığması Avropa çempionatının Superkubok oyunlarında mübarizəyə başlayır. Apasport.az saytının məlumatına görə, milli komandamız Portuqaliyanın Vilyareal de Santo Antonio şəhərində təşkil olunan yarışda ilk matçına sabah çıxacaq. Emil Cabbarovun rəhbərlik etdiyi kollektiv birinci turda Yunanıstanla qarşılaşacaq. Oyun Bakı vaxtı ilə saat 18:00-da start götürəcək.

Futbolçularımızı ertəsi günü, avqustun 22-də növbəti görüş gözləyir. Yığmamız həmin gün saat 18:30-da Norveçlə qüvvəsini sınayacaq. Superkubok oyunları hərəsində 3 kollektiv olmaqla, 2 qrupda keçirilir. Reqlamentə əsasən, qruplarda ilk yeri tutanlar Avropa çempionatının Superfinalına vəsiqə qazanmaq üçün üz-üzə gələcəklər. Qrupda ikinci pillədə qərarlaşanlar 3-cü, üçüncü sırada qalanlar isə 5-ci yer uğrunda oynayacaqlar. Bu isə o deməkdir ki, milli komandamız Portuqaliyada ümumilikdə, 3 matç keçirəcək. Yunanıstan və Norveçin ardından futbolçularımız daha bir matçda bacarığını nümayiş etdirəcək.

• La Liqada baş məşqçi istefası
• Çalhanoğlu "Bavariya"nın hədəfində
• Maquayrın durumuna aydınlıq gəldi
• Türkiyənin ən dəyərli futbolçusu açıqlanıb - Siyahı
• "Beşiktaş"ın ulduz futbolçusu millinin şəraitini bəyənmədiyi üçün komandasından ayrılıb