“Oyunun çətin olacağını bilirdim. Birinci hissədə 2 qol buraxa bilərdik”. Apasport.az saytının məlumatına görə, bu sözləri Azərbaycanın 17 yaşadək futbolçularından ibarət milli komandasının baş məşqçisi Oliver Pelzer deyib.

Litvada keçirilən Palanqa turnirindəki ikinci oyununda meydan sahiblərini 3:1 hesabı ilə məğlub etməklə finala vəsiqə qazanan yığmamızın çalışdırıcısı AFFA-nın rəsmi internet saytına açıqlamasında hesabın qanunauyğun olduğunu bildirib: “Etiraf edim ki, bəxtimiz gətirdi. Amma bəxt güclünün tərəfində olur. Layiqli qələbə qazandıq. Ümid edirəm ki, finalda da qalib gələcəyik”.

Qeyd edək ki, bu gün keçiriləcək I yer uğrunda final matçında yığmamız Gürcüstanla görüşəcək.