Premyer Liqanın II turunda "Neftçi" Tovuzun "Turan" klubunu 2:0 hesabı ilə məğlub etdi. Apasport.az saytının məlumatına görə, görüşdən sonra keçirilən mətbuat konfransına qatılan komandaların baş məşqçiləri oyun haqqında fikirlərini bildirdilər.

Böyükağa Ağayev (“Neftçi”): “Turan"la oyunlarımız həmişə çətin alınıb. Açığı bu gün qələbəni asan qazanacağımızı düşünmürdüm. Lakin "Turan"la qarşılaşmaya ciddi hazırlaşmışdıq. Futbolçuların oyunundan razıyam. İlk hissədə var gücümüzlə hücum etdik və 2 qol vurduq. İkinci hissədə isə hücuma çox meyl etmədik."

Nizami Sadıqov(“Turan”): "Komandamız yeni yığılıb. Xətlər arasında anlaşılmazlıqlar çoxdur. Amma ilk oyun olduğu üçün komandanın oyunundan razı qaldım"