Qurban Qurbanov komandasının məşqini yarımçıq tərk edəcək
25.08.2009 - 12:47
Avropa Liqasının dördüncü təsnifat mərhələsində Ağdamın “Qarabağ” klubu ilə qarşılaşan Hollandiya “Tvente”si bu gecə Bakıya gəlir. Apasport.az saytının məlumatına görə, hər iki klubun avqustun 27-də keçiriləcək cavab oyunundan bir gün əvvəlki məşq planına aydınlıq gəlib. “Qarabağ”ın son məşqi “narıncılar”la müqayisədə daha tez olacaq. Komanda 19:00-da 1 saatlıq məşq keçəcək. Lakin baş məşqçi Qurban Qurbanov yetirmələrinin hazırlığını sonadək izləməyəcək. 37 yaşlı çalışdırıcının 19:45-də mətbuat konfransı keçiriləcək. Qonaqların baş məşqçisi Stiv Maklaren isə əksinə, əvvəl jurnalistlərlə görüşüb sonra komandasının məşqinə rəhbərlik edəcək. Belə ki, ingilis mütəxəssis 19:00-da mətbuat konfransında iştirak edəcək. Hollandların məşqi isə 20:00-da başlayacaq və 15 dəqiqə mətbuat üçün açıq olacaq.
0
0