Gələn mövsümdən etibarən İngiltərə Premyer Liqasında legionerlərin sayına məhdudiyyət qoyulacaq. Apasport.az saytının məlumatına görə, futbolun yaradıcıları bu limiti oyunlara deyil, iştirak ərizəsinə tətbiq edəcək.

Belə ki, 2010/11 mövsümündən etibarən klublar sifariş vərəqini istədiyi qədər yox, cəmi 25 futbolçu daxil edə biləcək. Onların da ən azı 8-i ingilis və ya Uels klublarının yetirməsi olmalıdır. “Yetirmə” ifadəsi 21 yaşınadək olduğu müddətdə heç olmasa 3 il klubun heyətində olması nəzərdə tutulur. Yəni 25 oyunçudan 8-i bu yaş həddinə çatanadək lazım olan zamanı Britaniyada keçirmiş olmalıdır.

Bu isə o deməkdir ki, yeniyetmə yaşlarından Dumanlı Albiona gələnlər istisna olmaqla Premyer Liqada legioner limiti 17-yə bərabər olacaq. Hələ 21 yaşı tamam olmayan futbolçular isə 25 nəfərlik məhdudiyyətdən əlavə olaraq sifariş olunacaq.

• Məşqçinin vəziyyəti pisləşib, oyun yarımçıq dayandırılıb
• Qvardiolanın “Mançester Siti”dəki taleyi bəlli olub
• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord