Azərbaycanlı futbolçular Türkiyənin “Fənərbaxça” klubunun məşqini izləyiblər. AFFA-nın İnformasiya və İctimaiyyətlə Əlaqələr Departamentindən apasport.az satına verilən məlumata görə, iyulun 14-dən etibarən İstanbul təmsilçisinin bazasında təlim-məşq toplanışında olan “Akademiya” klubun Can Bartu təsislərində olub. 15 yaşlı futbolçularımız burada “Fənərbaxça”nın əsas heyətinin hazırlıqlarına tamaşa edib. Məşqdən sonra azərbaycanlı istedadlar Türkiyə klubunun baş məşqçisi Kristof Daumla xatirə şəkli çəkdiriblər.