2010-cu il dünya çempionatının Avropa zonası üzrə pley-off mərhələsinin püşkatma mərasimi keçirilib. Apasport.az saytının məlumatına görə, FİFA-nın İsveçrənin Sürix şəhərindəki mənzil-qərargahında təşkil olunan tədbirdə köhnə qitənin 8 yığma komandasının rəqibləri bəlli olub.

Yarışların əsasnaməsinə görə, seçmə mərhələnin Avropa zonasında öz qruplarında II yeri tutan 9 yığma arasında ən yaxşı nəticə göstərən 8 komanda qitənin son 4 “xoşbəxtinin” adlarına aydınlıq gətirməlidir. Seçmə mərhələdə Azərbaycan milli komandası ilə eyni qrupda yer alan Rusiya yığması CAR-a vəsiqə uğrunda Sloveniya ilə qarşılaşacaq.

Ukrayna – Yunanıstan
Fransa – İrlandiya
Rusiya – Sloveniya
Portuqaliya – Bosniya və Herseqovina

Qeyd edək ki, pley-off mərhələsinin oyunları noyabrın 14-də və 18-də keçiriləcək.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır