Azərbaycan yığmasının sabiq müdafiəçisi Usim Nduka üçün Unibank Premyer Liqasının III turu əlamətdar olacaq. Apasport.az saytının məlumatına görə, “Olimpik-Şüvəlan”ın futbolçusu “Xəzər-Lənkəran”la matçda 100-cü çempionat matçına çıxacaq. İndiyədək Azərbaycan çempionatlarının güclülər dəstəsində 99 oyun keçirən Nduka bu görüşlərdə 2 qol və 2 avtoqolun müəllifi olub. Milliləşdirilərək bir müddət əvvəl yığmamıza cəlb olunan 24 yaşlı nigeriyalı ölkəmizdə 100 oyun həddinə çatan birinci Afrika təmsilçisi olacaq.

Qeyd edək ki, yarandığı gündən - 2004-cü ildən “Olimpik-Şüvəlan”da çıxış edən Usim klubun tarixində hamıdan çox oyun keçirən futbolçudur.

• Seneqallı forvard “Çelsi”ni tərk edə bilər
• “Fənər” yetirməsini geri qaytarıb - RƏSMİ
• “Fənər”də ciddi itki - YOXLAMA MATÇINDA ZƏDƏLƏNİB
• Firmino karyerasını Qətərdə davam etdirəcək
• "Fənərbaxça"nın transferi ingilisləri heyrətə saldı: Trossardın transferi tamamlanıb