İngiltərənin “Liverpul” klubu son 22 ilin anti-rekordunu müəyyənləşdirib. Apasport.az saytının məlumatına görə, britaniyalılar Çempionlar Liqasının qrup mərhələsində Fransa “Lion”u ilə ev oyununda 1:2 hesabı ilə uduzmaqla, ardıcıl 4-cü dəfə məğlubiyyətlə üzləşib.

İngiltərə Premyer Liqasının ən güclü 4 klubundan biri sayılan “Liverpul” 1987-ci ildən bəri belə uğursuzluq yaşamamışdı. Hazırda Rafael Benitesin rəhbərlik etdiyi kollektiv qrupda 3-cü pillədə qərarlaşır.

Qeyd edək ki, “Liverpul” “Lion”dan öncə Çempionlar Liqasında “Fiorentina”ya, İngiltərə çempionatında isə “Çelsi” və “Sanderlend”ə uduzub.