Noyabrın 15-də start götürəcək beynəlxalq turnirdə Azərbaycan milli komandasının rəqiblərindən olan Birləşmiş Ərəb Əmirlikləri (BƏƏ) yığması yoxlama oyunu keçirib. Apasport.az saytının məlumatına görə, Əl-Əyn şəhərində baş tutacaq yarışın meydan sahibləri İngiltərənin məşhur “Mançester Siti” klubu ilə qarşılaşıb.

Ərəblər matçın 8-ci dəqiqəsində vurduğu yeganə qolla qalib gəliblər. Britaniyalıların ikinci qapıçısı Stüart Teylor meydana çıxdığı bu görüşdə qaydanı pozmaqla penaltiyə səbəb olub ki, Məhəmməd Əl-Şini də zərbəni dəqiq yerinə yetirib.

BƏƏ-də keçirilən turnirdə millimiz meydan sahibləri ilə final oyunlarının birində qarşılaşa bilər. Noyabrın 15-də baş tutacaq yarımfinalda futbolçularımız İraqla, BƏƏ isə Çexiya ilə görüşəcək. Ayın 18-də isə qaliblər bir-biri ilə görüşəcək, məğlublar isə öz aralarında oynayacaqlar.

• Palmer rekorda imza atdı
• Osimhen ilk qolunu vurdu, "Qalatasaray"ın seriyası qırıldı
• “Real” düşərgəsində sevindirici xəbər
• “Borussiya” 3 xalı 4 qolla qazandı
• “Qalatasaray” 36-cı pillədə, “Qarabağ” “Beşiktaş”ı qabaqlayır