“Yubkalı kişilər”in Bakı səfərinə tarixi baxış - ARAŞDIRMA
13.11.2009 - 14:28
21 yaşadək futbolçular arasında Avropa çempionatının seçmə mərhələsi çərçivəsində sabah keçiriləcək Azərbaycan - Şotlandiya matçı iki ölkə təmsilçiləri arasında 5-ci qarşılaşma olacaq. Apasport.az saytının məlumatına görə, komandalarımız Şotlandiyanın kişi futbolçuları ilə indiyədək 4 dəfə üz-üzə gəliblər. Statistika rəqibin lehinədir. Son 4 ildə isə britaniyalılar komandalarımızı üstələyə bilmir. Bu vaxta qədər şotlandiyalılarla U-17 və U-19 yığmalarım qarşılaşıblar. Qitə miqyaslı klub turnirlərində və əsas milli komandaların üz-üzə gəlmədiyi “duel”lərdə U-21-lər ilk dəfə səhnəyə çıxacaq.
Milli geyimlərinə əsasən “yubkalı kişilər” adlandırılan şotlandiyalılarla ilk matç 7 il öncə Bakıda olub. Həmin vaxt paytaxtımızda U-17-lərin qitə çempionatının seçmə mərhələ oyunları keçirilib. İslam Kərimov rəhbərlik etdiyi kollektiv Şotlandiyaya 1:2 hesabı ilə udusa da, mərhələ adlamışdı.
Bundan iki il yarım sonra britaniyalı yeniyetmələr yığmamıza daha acınacaqlı zərbə vurub. 2004/05 mövsümçündə ilkin seçmə mərhələni arxada qoyan U-17 rəqibə 0:3 hesabı ilə məğlub olub. Bu şotlandların Azərbaycan komandaları üzərində son qələbəsi kimi tarixdə qalıb.
Ardından U-19 yığmamızın uğurlu dönəmi başlayır. 2007-ci il oktyabrın 28-də Moldovada təşkil olunan qitə çempionatının seçmə mərhələsində Arif Əsədovun yetirmələri şotlandların dərsini verir - 2:0. Ötən il oktyabrın 20-də isə analoji yarışda Yaşar Vahabzadənin başçılıq etdiyi U-19 Macarıstandakı görüşdə bərabərliklə (1:1) kifayətlənir. Maraqlıdır ki, bizim üçün uğurlu olan həmin matçların qəhrəmanları sabah da üz-üzə gələcəklər.
Moldovada “yubkalı”ların qapısına 2 qol vuran Bəxtiyar Soltanov bu görüşün 48-ci və 67-ci dəqiqələrində fərqlənmişdi. İndi də U-21-də şotlandları cəzalandırmağa çalışacaq Soltanov yenə Alan Martini məyus etməlidir. Bəxtiyarın 2 il əvvəl məyus etdiyi Alan hazırda Şotlandiya U-21-nin əsas qapıçısıdır. Məşhur “Lids” klubuna məxsus qapıçının U-19-da o vaxtkı əvəzləyicisi Skott Qallaher U-21-də də ikinci qapıçıdır. Hazırda gücünə görə, İngiltərənin III dəstəsində oynayan “Lids” bu qapıçını 4-cü dəstədə çıxış edən “Aklinqton Stenli”yə icarəyə verib.
Moldovadakı qalib heyətdən Şəhriyar Rəhimov, Tural Nərimanov, Emin Cəfərquliyev və qapıçı Elçin Sadıqov da komandamızın heyətindədir. Rəqibdə isə 2 qapıçıdan başqa Ceyson Marr, Pol Henlon və Ceymi Mörfi “könhələr”dən sayılır.
İndi də 1:1 hesabı ilə başa çatan oyun haqqında. Ötənilki “sülh”ün iştirakçılarından Mikayıl Zaytsev, Fərrux Rəhimov, Emin Mustafayev, Emin Cəfərquliyev, Novruz Məmmədov milli komandamızın, Henlon, Liay Qriffits isə qonaqların heyətində növbəti dəfə bir-birinə qarşı mübarizə aparacaqlar. Sözügedən qarşılaşmada fərqlənənlər isə bu dəfə meydanda olmayacaqlar. Qapımıza vurulan qolun müəllifi Aleks Makdonald, həmçinin britaniyalıların o vaxtkı qapıçıları heyətdən kənarda qalıb. Macarıstanda hesabı açan Araz Abdullayev isə Almaniyada toplanışdadır.
U-21-in baş məşqçisi Billi (Uilyam) Stark da tanış simadır. 1:1 hesabı ilə bitən matçda şotlandları məhz o çalışdırırdı. Vaxtilə “Aberdin” və “Seltik”də oynamış Stark Aleks Ferqyussonun kəşfidir. Məhz Ferqyussonun “Aberdin”ə gətirdiyi Billi 3 il onun rəhbərliyi altında oynadıqdan sonra 100 min funt-sterlinqə “Seltik”ə transfer edilmişdi. Onun karyerasında ən böyük uğur UEFA Superkubokudur.
Maraqlıdır ki, 2005-ci ildə 0:3 hesabı ilə uduzduğumuz matçın iştirakçıları arasında da yenidən forma geyinmək şansı qazananlar var. Qonaqlardan Devid Qrey, Kris Mitçel, komandamızdan isə Pərvin Paşayev, Fərid Həşimzadə və Natiq Kərimi sabah oynaya bilərlər.
Milli geyimlərinə əsasən “yubkalı kişilər” adlandırılan şotlandiyalılarla ilk matç 7 il öncə Bakıda olub. Həmin vaxt paytaxtımızda U-17-lərin qitə çempionatının seçmə mərhələ oyunları keçirilib. İslam Kərimov rəhbərlik etdiyi kollektiv Şotlandiyaya 1:2 hesabı ilə udusa da, mərhələ adlamışdı.
Bundan iki il yarım sonra britaniyalı yeniyetmələr yığmamıza daha acınacaqlı zərbə vurub. 2004/05 mövsümçündə ilkin seçmə mərhələni arxada qoyan U-17 rəqibə 0:3 hesabı ilə məğlub olub. Bu şotlandların Azərbaycan komandaları üzərində son qələbəsi kimi tarixdə qalıb.
Ardından U-19 yığmamızın uğurlu dönəmi başlayır. 2007-ci il oktyabrın 28-də Moldovada təşkil olunan qitə çempionatının seçmə mərhələsində Arif Əsədovun yetirmələri şotlandların dərsini verir - 2:0. Ötən il oktyabrın 20-də isə analoji yarışda Yaşar Vahabzadənin başçılıq etdiyi U-19 Macarıstandakı görüşdə bərabərliklə (1:1) kifayətlənir. Maraqlıdır ki, bizim üçün uğurlu olan həmin matçların qəhrəmanları sabah da üz-üzə gələcəklər.
Moldovada “yubkalı”ların qapısına 2 qol vuran Bəxtiyar Soltanov bu görüşün 48-ci və 67-ci dəqiqələrində fərqlənmişdi. İndi də U-21-də şotlandları cəzalandırmağa çalışacaq Soltanov yenə Alan Martini məyus etməlidir. Bəxtiyarın 2 il əvvəl məyus etdiyi Alan hazırda Şotlandiya U-21-nin əsas qapıçısıdır. Məşhur “Lids” klubuna məxsus qapıçının U-19-da o vaxtkı əvəzləyicisi Skott Qallaher U-21-də də ikinci qapıçıdır. Hazırda gücünə görə, İngiltərənin III dəstəsində oynayan “Lids” bu qapıçını 4-cü dəstədə çıxış edən “Aklinqton Stenli”yə icarəyə verib.
Moldovadakı qalib heyətdən Şəhriyar Rəhimov, Tural Nərimanov, Emin Cəfərquliyev və qapıçı Elçin Sadıqov da komandamızın heyətindədir. Rəqibdə isə 2 qapıçıdan başqa Ceyson Marr, Pol Henlon və Ceymi Mörfi “könhələr”dən sayılır.
İndi də 1:1 hesabı ilə başa çatan oyun haqqında. Ötənilki “sülh”ün iştirakçılarından Mikayıl Zaytsev, Fərrux Rəhimov, Emin Mustafayev, Emin Cəfərquliyev, Novruz Məmmədov milli komandamızın, Henlon, Liay Qriffits isə qonaqların heyətində növbəti dəfə bir-birinə qarşı mübarizə aparacaqlar. Sözügedən qarşılaşmada fərqlənənlər isə bu dəfə meydanda olmayacaqlar. Qapımıza vurulan qolun müəllifi Aleks Makdonald, həmçinin britaniyalıların o vaxtkı qapıçıları heyətdən kənarda qalıb. Macarıstanda hesabı açan Araz Abdullayev isə Almaniyada toplanışdadır.
U-21-in baş məşqçisi Billi (Uilyam) Stark da tanış simadır. 1:1 hesabı ilə bitən matçda şotlandları məhz o çalışdırırdı. Vaxtilə “Aberdin” və “Seltik”də oynamış Stark Aleks Ferqyussonun kəşfidir. Məhz Ferqyussonun “Aberdin”ə gətirdiyi Billi 3 il onun rəhbərliyi altında oynadıqdan sonra 100 min funt-sterlinqə “Seltik”ə transfer edilmişdi. Onun karyerasında ən böyük uğur UEFA Superkubokudur.
Maraqlıdır ki, 2005-ci ildə 0:3 hesabı ilə uduzduğumuz matçın iştirakçıları arasında da yenidən forma geyinmək şansı qazananlar var. Qonaqlardan Devid Qrey, Kris Mitçel, komandamızdan isə Pərvin Paşayev, Fərid Həşimzadə və Natiq Kərimi sabah oynaya bilərlər.
0
0