“Bura 3 xal dalınca gəlmişdik, amma "Simurq" kimi güclü komandadan 1 xal almaq da qələbəyə bərabərdir”. Apasport.az saytının xəbərinə görə, bunu “Qəbələ” klubunun baş məşqçisi Ramiz Məmmədov deyib.

Unibank Premyer Liqasının hesabat turunda Zaqatalada “Simurq”la matçdan sonra təşkil olunan mətbuat konfransında Məmmədov bildirib ki, gərgin keçən qarşılaşmada müəyyən problemlər olub: “Ancaq inanıram ki, hər zaman haqq-ədalətin tərəfində olan PFL-in prezidenti Ramin Musayev indi də düzgünlüyün tərəfində olacaq və günahkarlar lazımınca cəzalandırılacaq".