Dekabrın 6-da “Şəfa” stadionunda keçirilmiş “İnter” - “Xəzər-Lənkəran” oyununa yararsız biletlər satılıb. Apasport.az saytının məlumatına görə, “İnter” rəhbərliyinin çapa hazırladığı biletlərdə xeyli səhvlər olub.

Əvvəla, sözügedən matç I dövrənin XIII turu kimi təqdim olunub. Bundan başqa, biletin üzərində sektor, sıra və yerin nömrəsi yazılmayıb. Müxtəlif dizaynda - ağ-yaşıl rəngdə olan biletləri sanki “Xəzər-Lənkəran” hazırlayıb. Çünki ağ-yaşıl məhz lənkəranlıların rəngidir. “İnter”in rəngi isə göy-ağdır.

Daha bir səhv isə saatla bağlıdır. Oyunun başlanma saatı 17:15 yox, 18:00 göstərilib.