Sabah 19 yaşadək futbolçular arasında Avropa çempionatının elit mərhələsinin püşkatması keçiriləcək. Apasport.az saytının məlumatına görə, Azərbaycan milli komandasının rəqibləri də İsveçrənin Nyon şəhərindəki mərasimdə müəyyənləşəcək. Bakı vaxtı ilə saat 13:30-da başlayacaq püşkatmada elit raundun iştirakçısı olan 28 komanda 7 qrupa bölünəcək. Onlar gələn il Fransada təşkil olunacaq final mərhələsinə 7 vəsiqə uğrunda mübarizə aparacaq.

Xatırladaq ki, birinci seçmə mərhələdən sonra I qrupdan İtaliya, İrlandiya, II qrupdan İngiltərə, Slovakiya, III qrupdan Almaniya, Türkiyə, IV qrupdan Xorvatiya, İsveçrə, V qrupdan Serbiya, Yunanıstan, VI qrupdan Şotlandiya, Rumıniya, Avstriya, VII qrupdan Bosniya və Herseqovina, Şimali İrlandiya, VIII qrupdan Portuqaliya, İspaniya, IX qrupdan Rusiya, Macarıstan, X qrupdan Hollandiya, Çexiya, XI qrupdan Norveç, Belçika, XII qrupdan Ukrayna, Çernoqoriya, yığmamızın ikinci yeri tutduğu XIII qrupdan isə Danimarka və Polşa elit mərhələdə çıxış edəcək.

• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib