“Bakı”nın baş məşqçisi Bülənt Korkmaz türk mətbuatının gündəmindən düşmür. Apasport.az saytının məlumatına görə, uzun illər şərəfini qoruduğu “Qalatasaray” və Türkiyə yığmasındakı liderliyi, davranışı və digər xüsusiyyətləri ilə diqqət çəkən 41 yaşlı veteran futbolçu indi də gənclərə nümunə göstərilir.

Son vaxtlar türk futbolçuların yaşıl meydanlarda və ondan kənarda özünü apara bilməməsi, qalmaqalların iştirakçısı olması türk həmkarlarımızı da təngə gətirib. Belə vəziyyətdə futbolçulara müraciət edən jurnalistlər onlara əfsanə olmağın yollarının fərqli olduğunu xatırladıb: “Əfsanə olmaq istəyirsənsə, Bülənt Korkmazdan nümunə götürəcəksən. Zədələnsən, qolunda sarğı oynamalı olsan da, matçı bitirəcəksən. 428 çempionat görüşündə 35 min 44 dəqiqə oynayacaqsan. Lap qırmızı vərəqə də görəcəksən. Amma hər şeyi komandan naminə edəcəksən. Geydiyin formaya dəyər verəcək, tribunaya oynamayacaqsan”.

• “Beşiktaş” Avropa Liqası matçını Batumidə keçirəcək
• Arda Turandan növbəti qələbə – “Şaxtyor” zirvədə
• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!