Məşhur kolumbiyalı müğənni Şakira özünə yeni sevgili tapıb. Apasport.az saytının məlumatına görə, dünya şöhrətli sənətçi İsveç milli komandasının sabiq futbolçusu Freddi Lündberqi tora salıb.

Daha çox İngiltərə “Arsenal”ındakı çıxışları ilə tanınan Freddi futbolçu karyerasının qürub çağlarında eşq aləmində uğura imza atıb. Məşhur “Calvin Klein” şirkətinin reklam çarxının çəkilişlərində tanış olan cütlük telefon nömrələrini bir-birinə verib. Birgə qəhvə içən Şakira və Lündberq növbəti görüşlərini də müzakirə ediblər. Daha konkret olan müğənni futbolçuya növbəti kliplərinin birində rol verəcəyini söyləyib.

Qeyd edək ki, Freddi 2002-ci ildə keçirilən dünya çempionatının seçmə mərhələsinin Azərbaycan milli komandasına qarşı həm Bakı, həm də Stokholmdakı oyununda 90 dəqiqə meydanda olub.