Çempionlar Liqasının qrup mərhələsində sonuncu turun oyunlarına start verilib. Apasport.az saytının məlumatına görə, VI turun çərçivəsində keçirilən 8 oyunla A, B, C və D qruplarında mübarizə yekunlaşıb. Bu görüşlər turnir cədvəllərində yalnız iki yerdəyişməyə səbəb olub. Maraqlıdır ki, bütün qarşılaşmalarda meydan sahibləri qələbəyə həsrət qalıb. Qonaqlar 6 oyunda qalib gəliblər, 2 matçda isə heç-heçə qeydə alınıb.

A qrupunda ikinci yerin taleyini öz aralarındakı görüşdə həll edən “Yuventus”la “Bavariya”nın oyununda ikincilər sevinib. İtaliyadan darmadağınla qayıdan münhenlilər 1/8 finala vəsiqə qazanıblar. “Yuventus” isə digər qitə nəhəngi “Liverpul” kimi, Avropa Liqasında mübarizə aparmalı olacaq.

B qrupunda isə ikinci vəsiqənin sahibi qiyabi mübarizədə müəyyənləşib. Maykl Ouenin het-triki sayəsində qələbə qazanan “Mançester Yunayted” MOİK-i də 1/8 finala çıxarıb. C qrupunda isə sensasiyaya imkan verməyən “Real” və “Milan” asanlıqla növbəti mərhələyə yüksəlib. Hər iki “xoşbəxtin” hələ ötən tur müəyyənləşdiyi D qrupuna gəlincə, APOEL növbəti qəhrəmanlığını edib. Kipr təmsilçisi Londonda “Çelsi” ilə heç-heçəyə nail olub. Lakin APOEL öz meydanında buraxdığı qola görə “Atletiko”dan geri qalıb və Avropa Liqasına düşmək şansını itirib.

A qrupu

“Yuventus” (İtaliya) – “Bavariya” (Almaniya) - 1:4
Trezeqe, 19 - Butt, 30-pen; Oliç, 52; Qomes, 83; Timoşuk, 90+2

“Makkabi” (Hayfa, İsrail) – “Bordo” (Fransa) - 0:1
Jyussye, 13

1	Bordo	6	5	1	0	9-2	16
2	Bavariya	6	3	1	2	9-5	10
3	Yuventus	6	2	2	2	4-7	8
4	Makkabi	6	0	0	6	0-8	0

B qrupu

“Beşiktaş” (Türkiyə) - MOİK (Rusiya) - 1:2
Bobo, 86 – Krasiç, 41; Aldonin, 90+5

“Volfsburq” (Almaniya) – “Mançester Yunayted” (İngiltərə) - 1:3
Dzeko, 56 - Ouen, 44, 83, 90+1

1	Mançester Yunayted	6	4	1	1	10-6	13
2	MOİK	6	3	1	2	10-10	10
3	Volfsburq	6	2	1	3	9-8	7
4	Beşiktaş	6	1	1	4	3-86	4

C qrupu

“Sürix” (İsveçrə) – “Milan” (İtaliya) - 1:1
Qaiç, 29 -Ronaldinyo, 64-pen

“Marsel” (Fransa) – “Real” (İspaniya) - 1:3
Luço Qonsales, 11 – Kriştiano Ronaldo, 5, 83; Albiol, 60

1	Real	6	4	1	1	15-7	13
2	Milan	6	2	3	1	8-7	9
3	Marsel	6	2	1	3	10-10	7
4	Sürix	6	1	1	4	5-14	4

D qrupu

“Çelsi” (İngiltərə) - APOEL (Kipr) - 2:2
Essyen, 19; Droqba, 26 - Jevlyakov, 6; Mirosavleviç, 87

“Atletiko” (İspaniya) – “Porto” (Portuqaliya) - 0:3
Bruno Alveş, 2; Falkao, 15; Xalk, 76

1	Çelsi	6	4	2	0	11-4	14
2	Porto	6	4	0	2	8-3	12
3	Atletiko	6	0	3	3	3-12	3
4	APOEL	6	0	3	3	4-7	3