Klublararası dünya çempionatında 1/4 final mərhələsinin ilk oyunu keçirilib. Apasport.az saytının məlumatına görə, Birləşmiş Ərəb Əmirliklərində təşkil olunan yarışda Asiya və Afrikanın ən güclü komandaları üz-üzə gəliblər. Koreyanın “Pohanq Stilers” klubu Kot d’İvuar “Mazembe”si ilə qarşılaşmada qələbəyə sevinib - 2:1. Hərçənd fasiləyə afrikalılar Bedinin qolu sayəsində üstün yollanıblar. İkinci hissədə isə 33 yaşlı braziliyalı Denilson dubla imza ataraq, koreyalıları yarımfinala çıxarıb. Bu mərhələdə “Pohanq Stilers”in rəqibi yarışa yarımfinaldan başlayan Argentinanın “Estudiantes” klubu olacaq.

Qeyd edək ki, digər yarımfinal cütündə İspaniyanın “Barselona” komandası rəqibini gözləyir. Kataloniyalılar bu gün keçiriləcək “Atlante” (Meksika) - “Oklend” (Yeni Zelandiya) görüşünün qalibi ilə oynayacaqlar.

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ